Son Xəbər: Qəza ilə bağlı psixoloji dəstək qrupu yaradıldı, “Pilotlar olmasaydı, hamımız ölmüşdük” - Hadisə şahidi, Xaricdə yaşayan azərbaycanlılar başsağlığı verdi, Matəm günü təhsil müəssisələrində tədris ənənəvi qaydada davam edəcək - RƏSMİ, Prezident İlham Əliyev: Qəzanın səbəbləri bizə bəlli deyil, müxtəlif versiyalar var, Dekabrın 26-da Azərbaycanda matəm elan edilib, Prezident İlham Əliyev təyyarə qəzası ilə bağlı müşavirə keçirib, İran Prezidenti təyyarə qəzası ilə bağlı İlham Əliyevə başsağlığı verib, Paşinyan qəza ilə bağlı başsağlığı verdi, Prezident İlham Əliyevin olduğu təyyarə Bakı şəhəri Heydər Əliyev Beynəlxalq Hava Limanına eniş edib,

Prezident İlham Əliyev: Qəzanın səbəbləri bizə bəlli deyil, müxtəlif versiyalar var

Tarix: Dün, 16:37

Azərbaycan Prezidenti İlham Əliyev Aktau yaxınlığında AZAL-a məxsus təyyarənin qəzaya uğramasının səbəblərini və bütün təfərrüatlarını araşdırıb həm ona, həm də Azərbaycan ictimaiyyətinə məlumat verilməli olduğunu deyib.

Bunu Prezident qəza ilə bağlı keçirdiyi müşavirədə deyib.

Dövlət başçısı bildirib ki, ona verilən məlumata görə, Bakı-Qroznı marşrutu ilə hərəkət edən AZAL şirkətinə məxsus təyyarə havanın pisləşməsi ucbatından istiqamətini dəyişib və Aktau hava limanına tərəf uçmağa başlayıb, eniş zamanı qəza baş verib:

“Mediada, sosial şəbəkələrdə təyyarənin qəzaya uğraması anları mövcuddur. Ona görə onu hər kəs görə bilər. Ancaq qəzanın səbəbləri bizə bəlli deyil. Müxtəlif versiyalar var. Hesab edirəm ki, hələ bu barədə danışmaq tezdir. Məsələ tam araşdırılmalıdır. Baş Prokurorluq tərəfindən cinayət işi açılıb və təbii olaraq Azərbaycan ictimaiyyəti həm komissiyanın işinin nəticələri, həm də cinayət işinin gedişatı ilə bağlı müntəzəm olaraq məlumatlandırılacaq”.